Sinabi ni ABS-CBN news head Ging Reyes, ang bagong pinuno ng ABS-CBN News and Current Affairs, na ang pagkaka-reformat ng TV Patrol ay isang "corporate decision."Pinabulaanan ni Reyes, na pumalit sa dating puwesto ni Maria Ressa, ang haka-haka na nagsasabi na kaya ibinalik ang dalawang beteranong mamamahayag ay para tapatan ang programa ni Willie Revillame na Willing Willie sa TV5.
"This plan has been in the pipeline even before I got here," sagot ni Reyes. "Coincidence siguro na nangyari 'yan, na pinili ng kabilang istasyon na ilagay nila si Willie, ang variety show niya, sa primetime."
Nilinaw rin niya ang lumabas na balita tungkol sa dating TV Patrol anchors na sina Karen Davila at Julius Babao. Malakas kasi ang bulung-bulungan na may hinanakit ang dalawa sa pamunuan ng Kapamilya network dahil sa desisyon nito na palitan sila kahit pa maganda naman ang kanilang performances.
Tanging si Ted Failon lang ang naiwan sa dating anchors sa muling pagpasok nila Noli at Korina.
"Anything naman that affects your career is surprising no matter how the company breaks it to you. I think they had an idea before, but of course, not that long ago.
"So, ang hirap naman magsalita para kay Karen. Siguro siya na lang po ang tanungin ninyo tungkol doon sa kanyang reaksiyon," pahayag ni Ging.
"Pero I was the one who first talked to her. She was very calm...
"It's never easy to say to someone that you're being replaced by this person and we're making these changes. You know this is how I put it to her, 'ABS-CBN valued you, continues to value you, but we need your support now to make this work also.'
"It was a corporate decision. It's something that we think would help strengthen the show."
Dagdag niya, "Kapag naman po sa mga ganun, puwede naman natin sigurong masabi na hindi naman namin minasama 'yong kanyang kontribusyon. It's just a matter of finding the strengths of all our talents and finding the right places for them, ganun lang naman po 'yon.
"I was very decent with her and maganda naman ang aming usapan, pati po kay Julius din."
Inalok na raw ng management ang dalawa para magsilbing anchors ng late-night news program na Bandila.
"Medyo confidential lang 'yong iba naming plano and we don't want to reveal our plans siyempre, pero I told her [Karen] that we wanted originally to put her in Bandila para naman lumakas din ang aming late night, sila ni Julius. Sabi niya po ay pag-iisipan niya muna."
Hindi daw aware si Reyes kung totoo ngang nag-file ng leave of absence si Karen.
Aniya, "Medyo nagkaroon ng gray area doon. Pero kasi naman, ang usapan namin, hindi naman ire-relaunch and Bandila kasabay ng TV Patrol, so that's probably why she's taking it easy."
Wala naman daw katotohanan na nag-resign na si Julius sa Lopez-owned network bilang protesta sa pagkakatanggal sa kanya sa TV Patrol.
"No, he didn't," diin ni Ging. "In fact, Julius was the first to confirm that he's staying, that he's accepting Bandila."
Naniniwala si Ging na hindi makakaapekto ang political affiliations nila Noli at Korina sa kanilang imahe bilang patas na mamamahayag.
Marami kasi ang nangangamba na baka maging "bias" ang reporting pagdating sa mga usaping maaaring kasangkutan ng ilang personalidad na malapit sa dalawang veteran news anchors.
"They did not shape nor do they have any influence in our editorial policies," diin ni Reyes.
"Kung sila ay gagawa ng istorya—we will check it, we will edit it as editors, we will check it for balance, accuracy, and fairness. There's a news process, there's a hierarchy of writers and producers and even myself...
"Wala silang impluwensiya sa aming editorial decisions, especially doon sa mga isyu na may kinalaman sa kanilang personal na buhay o pinagdaanan."
“We know our craft as journalists. Siguro, sinasabi lang ‘yon ng ibang tao dahil naging vice president si Noli, and then Korina is married to Mar. But they do not shape nor do they have any influence in our editorial policy. Kung sila ay gagawa ng istorya, gagawin nila and we will check it, we will edit it. As editors, we will check it for balance, accuracy and fairness. Dadaaan sila sa proseso. There’s a news process, there’s a hierarchy of writers And producers and even myself. Look. Listen. I’ll give you an example. Andrea Mitchell, NBC’s multi-awarded reporter has long been married to Alan Greenspan (economist at naging Chairman ng Federal Reserve ng Amerika), hindi naman naging isyu sa kanila. Christiane Amanpour (sikat na ABC News anchor at dating chief international correspondent ng CNN) is married to James Rubin, the former US State Department spokesman. Diane Sawyer (batikang TV journalist at co-anchor ng Good Morning America) is married to a film director (Mike Nichols). Another example, Tim Russert of Meet the Press who is highly respected was a political operative before he became a journalist. He worked for a politician, so halos pulitiko na rin. So, I guess we just see their strengths and we believe that those strengths can help our program,” paliwanag ni Ms. Ging.
Dagdag paliwanag ni Reyes, "Maliit ang mundo kasi nating ginagalawan—politicians and journalists and even movie stars circulate in a very small world, so to speak, na hindi natin mapigilan minsan nagkakatuluyan sila.
"Naniniwala ako na kapag nakita naman ng ating mga manonood na balanse ang aming pagbabalita ay hindi naman nila sasabihin na hindi credible ang aming mga tagapagbalita."
Mga mukha lang daw ang nagbago sa programa at hindi ang pangkalahatang patakaran na ipinapatupad sa lahat ng nasasakupan ng departamento.
"We will try to still be comprehensive in our reporting, and of course wala naman tayong pinapatawad hanggang ngayon. We will just try to infuse more public service elements in the newscast.
"As a news organization, wala pong pagbabago sa aming commitment to truth and public service. We will continue to be incisive in our coverage and try to give all sides to a story."
Posts
No comments:
Post a Comment